Avatangiiserput isumagivarput dunkiutivullu utertittarlugit

Kalaallit Nunaat uuliamik ingerlateqarpoq. Umiatsiaagunik, biiliugunik qamuteralaagunilluunniit tamarmik uuliamik pisariaqartitsipput. Uuliali nungukkukku puukua sussaviuk? Akissutissaq ataasiinnaavoq: Polaroilimut Pilersuisumulluunniit tunniutissavat.

Dunkip isumannaatsumik suujunnaarsinnissaa isumagissavarput. Dunkilu Texaco-mik allagartaqarpat 5 koruuninik utertuussaatit. Pinngortitami dunkinik plastikkinik allanik nassaassaguit aamma taakku tigussavagut, Texaco-lli dunkiutai 5 literi ilanngullugu kisiisa akissarsissutigissavatit.

 Polaroil uuliamik pilersuisuugami pinngortitarsuarmut tupinnartumut akisussaassuseqarpoq. Akisusaassuserlu taanna pimooruttorujussuvarput. Taamaattumik 5 koruunit taakku ilinnut iluamik iliorninnut akissarsissutaallutillu uagut pinngortitap minguinnerunissaanut tapissutigaavut. Pinngortitallu minguinnerunissaanut ilungersuuteqarnermi dunkit tamarmik ilaapput.

 Nalunngiliuk assersuutigalugu Kalaallit Nunaata sineriaani eqqakkat 80 %-ii plastikkiummataa? Plastikkit piinngikkutsigit aalisakkat, timmissat miluumasullu aqajaruinut pissapput. Taamaattumik Polaroil Kalaallit Nunaanni najugallit suleqatigalugit ukiuni kingullerni dunkinik plastikkiusunik pinngortitamiit katersisimavoq. Suliniullu iluaqutaavoq: 2021-mi dunkit 18.000-it sinnillit ataatsimut katersorpavut.