Isumannaallisaaneq

Isumannaallisaaneq akisussaassuserlu Polaroilimi pingaartingaaratsigit isumaqatiginiutigisinnaanngilluinnarpavut. Taakku suleqatitta ilisimalluinnarpaat anguniakkatsiinniippullu ulluinnarni sillimaniarnitsinni sulinitsinnilu tamani atuullutik.

Isumannaallisaaneq suliffitta iluani avataanilu tamanut aalajangiisuulluinnarpoq. Issinnerpaaffik sullivigaarput tamaanilu uuliamik mingutsitsineq akornuseerujussuarsinnaavoq ikummatissanillu imerpalasunik suliaqarneq immikkut iliuuseqarfiusussaalluni.  Sulinitsinni avatangiisit sallerpaatikkutsigit pinngortitaq aalisakkallu illersussavavut, taamaalillutalu aamma kalaallit aalisarnerat imarmiunillu piniarnerat ileqqutoqqanik ingerlatseqqittut illersussallutigit.

Ilisimasaqassuserput ukiorpassuit ingerlaneranni pilersikkiartorsimavarput nunat tamat akornanni suliffeqarfinnik umiarsuaatilinnillu suleqateqarluarnitsigut. Polaroilimi suleqatigut ataavartumik pikkorissartuarpavut isumannaannerpaamik ulluinnarni ingerlatsillutillu sullissinissaannut. Taavalu illit pisisartutut isumakuluuteqarnak tunisassiavut atorsinnaaqqullugit.

Umiarsuaq ikummatissanik eqqussuinitsinni atugarput sikusiutitut 1A-mi inissisimavoq.

Polaroilip isumannaallisaanermini anguniagaraa suliffimmik peqqinnartuullunilu isumannaatsumik pilersitsinissaq. Anguniagaavoq suliffeqarfik sulisut tamarmik pingaaruteqarnerminnik inuttullu ilivitsutut misigiffigisaat, tamarmillu immikkut piginnaasaminnik suliffimminnut sunniuteqarnermik ilaleeqataaffigisaat.

  • Suliffeqarfiup isumannaallisaanikkut inissisimaneranut, inatsisit atuuttut qaqugukkulluunniit minnerpaamik piumasaqaataassapput pitsanngorsaanerlu sulissutigineqartuassaaq.
  • Isumannaallisaariaatsit ingerlatsinermullu ilitsersuutit tamatigut malinneqartuassapput.
  • Suliffik isumannaatsoq, qullerpaartat akisussaaffiisa pingaarnersaralugu qaffasinnersaraat.
  • Isumannaatsuuneq sullivimmilu avatangiisit, aningaasaqarnertut tuniniaanertullu naatsorsuunneqassapput
  • Isumannaatsuunissaq akisussaaffigineqartuassaaq.
  • Ajutoornerit pisullu tamarmik qullerpaartanut ilisimatitsissutaasassapput.
  • Ajutoornissat innarlerneqarsinnaanerillu pinngitsoornissaat pinaveersaarnissaallu imminut aki-lersinnaavoq.
  • Isumannaallisaanermik misigisimaneq qullerpaartamiit aallaaveqarpoq.
  • Ajutoornerit ajutuungajannerillu tamarmik suliffeqarfimmut ilisimatitsissutaasassapput.
  • Sulisut imminerminnut suleqatiminnullu isumannaallisaaneq pitsanngorsartuartariaqarpaat.