Piffissami ingerlanneqarpoq 10-16. marts 2019
Marstal Navigationsskole suleqatigalugu sinerissami Polaroil-imi sulisut pikkorissarneqarnerat ingerlavoq, Sisimiuni kiffartuussivimmi pikkorissaasarfitsinni ”Taqqissuut”-mi.
Tankskibskursus tassaavoq, ikummatissaasivinni tankskib-inilu sulinermik suleriutsit ilisimasassat maleruagassallu pingaarutillit, minnerunngitsumillu sillimaniarneq, isumannaallisaaneq pillugit pikkorissaasutigineqartartut.
Taanna pikkorissaatigineqartarpoq ilisimasariaqakkat, maleruagassallu pingaarutillit malinneqarnissaat siunertaralugit, pikkorissarnerup imarisarpai, nunat tamarmik malitassaat SOLAS, MARPOL, ISGOTT allallu maleruagassat, ikummatissanut akuutissanullu tunngasut.
Ikuallatsaaliunermut tunngasut, ikuallalernermut aallaaviusinnaasut assigiinngitsut, avatangiisinik mingutsitsinaveersaarnerit, ikummatissaasinnik saliinermut maleruagassat, umiarsuarnut attaveqaatit, ikummatissat ikummartarnerinut misilittaanerit (flammepunkt) ajutoortunik ikiueqqaarnerit, ikummatissaasivimmik takusaaneq, naggataatigullu misilitsinneq.
Tankskibskursusi 2010-miilli maannamut arfineq sisamassaa ingerlanneqarpoq. Sulisut maannamut Tankskib-it pillugit pikkorissarsimalerput inuit 78-t.
Pikkorissartut angusilluarnissaanik kissaappagut, misilitsinneq ingerlanneqassaaq aqagu arfininngorneq 16.marts 2019.
Pikkorissaasuuvoq Michael Christensen.
Pikkorissarnermut peqataapput, tamarmillu marloriarlutik misilitsittussaapput Terminal Operatører aammalu Tankskibsbevis allagartat pissarsiarissagunikkit.
Sulisoqarneq pillugu ineriartortitsivik