Polaroilip gasolie, benzin, petrolium timmisartullu orsussaa ukiuni 70-ini Kalaallit Nunaannut eqqussorlugillu suliarisimavai.

Issittumi pinngortitarsuarmi takorannersumi sullissineq sungiusimavarput. Illoqarfiit nunaqarfiillu maani sinerissami isorartoqisumi ilaatigullu tikikkuminaattartumi siammarsimapput sermersuaq sanileralugu.

Immakkut aqqutit ilisimavavut; Aamma  silap allanngorarnera qanoq mianernartiginersoq. Nalunngilarput pinngortitaq qanoq innarleruminartigisoq. Sinerissami najugaqartutsinnut aalisarneq inuussutissarsiutit pingaarnersaraat, mingutsitsinerlu siooranartut annersaralugu. Mianersuaannissamut akissaqanngilagut – pinngortitamut aningaasarsiornitsinnulluunniit. Taamaattumik isumannaallisaaneq akisussaassuserlu eqqarsaatitsinniittuaannarput. Suliffitsinni isumannaallisaanermut politikkitsinni.

Ataatsimut katillugit ikummatissaasiviit 70-it ingerlappavut, illoqarfinni 16-inut, nunaqarfinni 53-inut eqqussuinermullu peqqumaateqarfimmut ataatsimut agguataarsimasut. Illoqarfinni nunaqarfinnilu tamani perrassaatinut gassinullu toqqorsiveqarpugut.

Imarsiornerup saniatigut uuliamik ujarlernermik aatsitassarsiornermillu kiffartuussinernik ingerlataqarpugut.